चाइनिज न्यू इयरको अवसर पारेर किरात याक्थुङ चुम्लुङ मलेसियाको प्रथम अधिवेशन क्वालालम्पुरस्थित रेष्टुरेन्ट चौतारीको पाँचौ तलामा सम्पन्न भएको छ ।
चाइनिज नयाँ वर्षको बेला लामो छुट्टी हुने भएकोले यही मौकालाई मध्यनजर गर्दै मलेसियाको विभिन्न ठाउँमा छरिएर रहेका सम्पूर्ण लिम्बू दाजुभाइ तथा दिदी बहिनीहरूलाई अधिवेशनमा समावेश गरिएको थियो । टढा-टढाबाट उपस्थित प्रतिनिधिहरूको मध्यनजर गर्दै पहिलो दिन अर्थात ०७ तारिख पूर्व महासचिव संग्रामसिंह लिम्बूको नेत्ृत्वमा छलफल गरी जीतमान इम्बुङ लिम्बूको अध्यक्षतामा नयाँ कार्यसमितिको गठन गरिएको छ । नवगठित उक्त समितिमा उपाध्यक्ष मोहन थेबे लिम्बू, क्ृष्ण आङदेम्बे, सचिव देवेन्द्र खापुङ लिम्बू, सह-सचिव तथा प्रचारप्रसार रुसाहाङ चेम्जोङ लिम्बू, कोषाध्यक्ष इन्द्र लुम्फुङ्वा लिम्बू, सह-कोषाध्यक्ष सबिना लिम्बू, प्रवक्ता सन्तकुमार फेउदेन लिम्बू, सदस्यहरू सोम लिम्बू, संग्रामसिंह लिम्बू, इक्साहाङ चेम्जोङ लिम्बू, पेशल माबुहङ लिम्बू, धनकुमार माबो लिम्बऊ र अन्य सदस्यहरू रहेका छन् ।
